ദില്ലി: പ്രധാനമന്ത്രിയായി വീണ്ടും അധികാരമേറ്റെടുത്ത ശേഷം  നരേന്ദ്രമോദി ഗുരുവായൂര്‍ ക്ഷേത്ര ദര്‍ശനത്തിനായി കേരളത്തിലെത്തുന്നു. ജൂണ്‍ എട്ട് ശനിയാഴ്ച നരേന്ദ്രമോദി ഗുരുവായൂര്‍ ശ്രീകൃഷ്ണക്ഷേത്രം സന്ദര്‍ശിക്കും. ശനിയാഴ്ച ഉച്ചയ്ക്ക് 12 മണിയോടെ ക്ഷേത്രത്തില്‍ എത്തുന്ന പ്രധാനമന്ത്രി ഒരു മണിയോടെ ദര്‍ശനം നടത്തി മടങ്ങും. ക്ഷേത്രത്തിലെ വഴിപാടുകളെ കുറിച്ച് അധികൃതരോട് ചോദിച്ചറിഞ്ഞിട്ടുണ്ട്. പ്രധാനമന്ത്രിയായ ശേഷം ആദ്യമായാണ് മോദി ഗുരുവായൂര്‍ ക്ഷേത്രത്തിലെത്തുന്നത്. ഗുജറാത്ത് മുഖ്യമന്ത്രിയായിരുന്ന സമയത്ത് നരേന്ദ്രമോദി ഗുരുവായൂര്‍ ക്ഷേത്രദര്‍ശനം നടത്തിയിരുന്നു.
മോദിയുടെ സന്ദര്‍ശനവിവരം പ്രധാനമന്ത്രിയുടെ ഓഫിസാണ് ഗുരുവായൂര്‍ ദേവസ്വം ബോര്‍ഡ് അധികൃതരെ അറിയിച്ചത്.