പൂനെ: പൂനെ വിമാനത്താവളത്തില്‍ എയര്‍ ഇന്ത്യാ വിമാനം റണ്‍വേയില്‍നിന്ന് തെന്നിമാറി. തലനാരിഴയ്ക്കാണ് വന്‍ ദുരന്തം ഒഴിവായത്. 152 യാത്രക്കാരാണ് വിമാനത്തിലുണ്ടായിരുന്നത്.
ഇന്നലെ വൈകിട്ട് 6.50ഓടെ ലാന്‍ഡിങ്ങിനിടെയാണ് അപകടമുണ്ടായത്. ഡല്‍ഹിയില്‍ നിന്നെത്തിയ എ.എല്‍ 849 വിമാനമാണ് അപകടത്തില്‍പെട്ടത്. വിമാനത്തിലെ യാത്രക്കാരെല്ലാം സുരക്ഷിതരാണെന്ന് അധികൃതര്‍ അറിയിച്ചു.
വിമാനം നിന്നയുടന്‍ യാത്രക്കാരെയെല്ലാം എമര്‍ജന്‍സി എക്‌സിറ്റ് വഴി പുറത്തിറക്കുകയായിരുന്നു. സംഭവത്തെ തുടര്‍ന്ന് റണ്‍വേ അടച്ചിട്ടു.