കോഴിക്കോട്: കുടുംബങ്ങള്‍ തമ്മിലുള്ള ഭാഗപത്രം എന്നിവയ്ക്ക് ബജറ്റില്‍ രജിസ്‌ട്രേഷന്‍ നിരക്കില്‍ വരുത്തിയ വര്‍ധന പിന്‍വലിക്കണമെന്നും അവശ്യസാധനങ്ങളുടെ ക്രമാതീതമായ വര്‍ധനക്കെതിരേ നടപടി സ്വീകരിക്കണമെന്നും ജനതാദള്‍(യു) ജില്ലാ കമ്മിറ്റി ആവശ്യപ്പെട്ടു. ദേശീയ സമിതി അംഗം എം.വി ശ്രേയാംസ്‌കുമാര്‍ ഉദ്ഘാടനം ചെയ്തു. പ്രസിഡന്റ് വി. കുഞ്ഞാലി അധ്യക്ഷനായി. എം.കെ ഭാസ്‌കരന്‍, കെ. ശങ്കരന്‍ മാസ്റ്റര്‍, സലീം മടവൂര്‍, പ്രേംഭാസില്‍, എം.പി ശിവാനന്ദന്‍, വി. അബ്ദുല്‍ അലി, ആയാടത്തില്‍ രവീന്ദ്രന്‍, ടി.എം ശിവരാജന്‍, എന്‍.സി മോയിന്‍കുട്ടി, എ.ടി ശ്രീധരന്‍, എന്‍ നാരായണന്‍ കിടാവ്, ചോലക്കര മുഹമ്മദ്, ദിനേശന്‍ പനങ്ങാട്, ഭാസ്‌കരന്‍ കൊഴുക്കല്ലൂര്‍, പി.സി സന്തോഷ് സംസാരിച്ചു.