അങ്ങാടിപ്പുറം: എം.ഇ.എസ് മെഡിക്കല്‍ കോളജിലേക്കുള്ള റോഡിന്റെ ഇരു വശങ്ങളും കാടുമൂടി നില്‍ക്കുന്നത് വാഹന യാത്രക്കാര്‍ക്ക് അപകട ഭീഷണിയൊരുക്കുന്നു. അങ്ങാടിപ്പുറം മാലാപറമ്പ് റോഡിന്റെ ഇരുവശങ്ങളിലും സുരക്ഷക്കായി സ്ഥാപിച്ച സൂചനാ ബോര്‍ഡുകളും കാണാത്തനിലയിലാണ് കാടുകള്‍ വളര്‍ന്നത്. സൂചനാ ബോര്‍ഡുകള്‍ മറഞ്ഞ് കിടക്കുന്നത് ഹൈവേ അധികൃതരും ഇതുവരെ ഗൗനിച്ചിട്ടില്ല. കാടുകള്‍ മൂടപ്പെട്ടതിനാല്‍ കഴിഞ്ഞ ദിവസം ഈ പ്രദേശത്ത് കാര്‍ കുറ്റിക്കാട്ടിലേക്ക് പാഞ്ഞു കയറി അപകടത്തില്‍പ്പെട്ടിരുന്നു.