കോട്ടയം: തോക്കെടുക്കും മുന്‍പ് ഓര്‍ക്കേണ്ട കാര്യങ്ങള്‍ വിശദീകരിച്ച് പി.സി. ജോര്‍ജ് എം.എല്‍.എയുടെ ക്ലാസ്.കോട്ടയം ജില്ലാ പൊലിസ് സംഘടിപ്പിച്ച ബോധവല്‍ക്കരണ പരിപാടിയിലാണ് തോക്ക് വാങ്ങാന്‍ ആഗ്രഹിക്കുന്നവര്‍ക്കും ഉപയോഗിക്കുന്നവര്‍ക്കുമുളള ഉപദേശങ്ങളുമായി പി.സി.ജോര്‍ജ് എത്തിയത്.
ഒന്നാന്തരം ചെക്കോസ്‌ലോവാക്യന്‍ പിസ്റ്റളുമായാണ് എം.എല്‍.എ കോട്ടയം എ.ആര്‍ ക്യാംപില്‍ സോദാഹരണ ക്ലാസെടുക്കാനെത്തിയത്. ജില്ലയില്‍ തോക്ക് ലൈസന്‍സുള്ളവര്‍ക്കായി പൊലിസ് സംഘടിപ്പിച്ച ബോധവല്‍ക്കരണ പരിപാടിയില്‍ പങ്കെടുക്കാനായിരുന്നു ജോര്‍ജ് എത്തിയത്.