ഖാര്‍ത്തൂം: സുദാന്‍ തലസ്ഥാനമായ ഖാര്‍ത്തൂമില്‍ പ്രതിപക്ഷ റാലിക്കുനേരെ സൈന്യം നടത്തിയ വെടിവയ്പില്‍ രണ്ടുപേര്‍ കൊല്ലപ്പെട്ടു. പത്തുപേര്‍ക്ക് പരുക്കേറ്റു.
ആയിരക്കണക്കിനു വരുന്ന പ്രക്ഷോഭകര്‍ ഖാര്‍ത്തൂമിലെ സൈനിക ആസ്ഥാനം അടക്കാന്‍ സമ്മതിക്കാതെ സൈനികരെ തടയുകയായിരുന്നു.
പ്രാദേശികസമയം ഉച്ചയ്ക്ക് രണ്ട് മണിയോടെ നടന്ന വെടിവയ്പ് നാലുമണിക്കൂറോളം നീണ്ടു. പ്രക്ഷോഭകര്‍ സൈന്യത്തെ വളഞ്ഞ് ആക്രമിച്ചതോടെയാണ് വെടിവച്ചതെന്ന് ദൃക്‌സാക്ഷി പറഞ്ഞു.
സമരക്കാരെ ക്രൂരമായി സൈനികര്‍ മര്‍ദിച്ചതായും റിപ്പോര്‍ട്ടുണ്ട്. സൈനികവാഹനം സമരക്കാര്‍ ആക്രമിച്ചതായി സൈനിക വക്താവ് പറഞ്ഞു. സൈനിക ആസ്ഥാനത്തിനു മുന്നിലെ കുത്തിയിരിപ്പ് സമരം അവസാനിപ്പിക്കണമെന്ന് മിലിട്ടറി കൗണ്‍സില്‍ കഴിഞ്ഞയാഴ്ച പ്രക്ഷോഭകര്‍ക്ക് മുന്നറിയിപ്പു നല്‍കിയിരുന്നു.