വെനീസ്: നിയന്ത്രണംവിട്ട കപ്പല്‍ വിനോദസഞ്ചാര ബോട്ടിലിടിച്ചു അഞ്ചുപേര്‍ക്ക് പരുക്ക്. എന്‍ജിന്‍ തകരാറുമൂലം നിയന്ത്രണം നഷ്ടപ്പെട്ട കപ്പല്‍ കടല്‍പ്പാലത്തില്‍ ചെന്നിടിച്ച് ടൂറിസ്റ്റ് ബോട്ടില്‍ ഉരസുകയായിരുന്നു.
വെനീസിലെ ഗ്യൂഡക്ക ദ്വീപിലെ കനാലിലായിരുന്നു സംഭവം. ബോട്ടിലുള്ളവരുടെ പരുക്ക് ഗുരുതരമല്ലെന്ന് തുറമുഖം അധികൃതര്‍ അറിയിച്ചു.
15 വര്‍ഷം പഴക്കമുള്ള എം.എസ്.സി ഒപേര എന്ന കപ്പലാണ് അപകടം വരുത്തിയത്. 2,500 യാത്രക്കാരെ ഉള്‍ക്കൊള്ളാന്‍ ശേഷിയുള്ള ഈ കപ്പലിന് 2011ലും എന്‍ജിന്‍ തകരാറുണ്ടായിരുന്നു.