കല്‍പ്പറ്റ: കേരള സ്റ്റേറ്റ് ടൈലേഴ്‌സ് അസോസിയേഷന്‍ എന്‍ എന്ന സംഘടന മറ്റേതെങ്കിലും സംഘടനയുടെ പേരില്‍ വ്യാജപ്രചരണങ്ങള്‍ നടത്തിയിട്ടില്ലെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
കേരളത്തിലെ എല്ലാ ജില്ലകളിലും പ്രവര്‍ത്തിക്കുന്നതിനുള്ള അംഗീകാരം ലഭിച്ച സംഘടനയാണിത്. ജില്ലയില്‍ എല്ലാ താലൂക്ക് കമ്മിറ്റികളുടെയും നേതൃത്വത്തില്‍ എല്ലാ പഞ്ചായത്തുകളിലും സംഘടനയുടെ പ്രവര്‍ത്തനം സജീവമാണ്. തൊഴിലാളികളും നേതാക്കളും മറ്റ് യൂനിയനുകളിലേക്ക് ചേക്കേറിക്കൊണ്ടിരിക്കുന്ന ഒരു കടലാസ് സംഘടനയുടെ പേരില്‍ ഒരു വാര്‍ത്തയോ പ്രസ്താവനയോ ഇറക്കേണ്ട സാഹചര്യം ഈ സംഘടനക്കില്ലെന്നും ഭാരവാഹികള്‍ പറഞ്ഞു.
ജില്ലാജനറല്‍ സെക്രട്ടറി കെ.കെ മനോഹരന്‍, ജില്ലാപ്രസിഡന്റ് റോസ് ബെല്‍ജോസ്, ജില്ലാവൈസ് പ്രസിഡന്റ് കെ.ആര്‍ സുരേന്ദ്രന്‍ വാര്‍ത്താസമ്മേളനത്തില്‍ പങ്കെടുത്തു.