ന്യൂഡല്‍ഹി: രാജ്യത്ത് കൊവിഡ് വ്യാപനം താഴേക്ക് പോകുന്നതായി സൂചന. കൊവിഡ് ബാധിച്ച് ചികിത്സയിലുള്ളവരുടെ എണ്ണം ഗണ്യമായി കുറയുന്നുണ്ട്. നിലവില്‍ 5,82,649 പേരാണ് കൊവിഡ് ബാധിച്ച് ചികിത്സയിലുള്ളത്. ഇന്നലത്തേക്കാള്‍ 11,737 പേര്‍ കുറവാണിത്.

ഇന്നലെ 48,268 പേര്‍ക്കു കൊവിഡ് ബാധിച്ചു. ഇതോടെ രാജ്യത്ത് ആകെ വൈറസ് ബാധിതര്‍ 81,37,119 ആയി. 551 പേര്‍ കൂടി മരിച്ചതോടെ ആകെ കൊവിഡ് മരണം 1,21,641ല്‍ എത്തി.

74,32,829 പേരാണ് ഇതുവരെ രോഗമുക്തി നേടിയത്. ഇന്നലെ മാത്രം 59,454 പേര്‍ ആശുപത്രി വിട്ടു.