ലഖ്‌നൗ: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെ അപകീര്‍ത്തിപ്പെടുത്തുന്ന വിധത്തില്‍ സാമൂഹിക മാധ്യമങ്ങളില്‍ പരിഹാസ പരാമര്‍ശം നടത്തിയതിന് മാധ്യമ പ്രര്‍ത്തകനെ പൊലിസ് അറസ്റ്റ് ചെയ്തു.

യോഗിക്ക് മാനഹാനി വരുത്തും വിധത്തില്‍ സാമൂഹിക മാധ്യമങ്ങളായ ഫെയ്‌സ്ബുക്കിലും ട്വിറ്ററിലും കമന്റിട്ടുവെന്ന് ആരോപിച്ചാണ് പ്രശാന്ത് കനോജി എന്ന മാധ്യമപ്രവര്‍ത്തകനെ അറസ്റ്റ് ചെയ്തത്.

യോഗി ആദിത്യനാഥിനോട് വിവാഹാഭ്യര്‍ഥന നടത്തിയെന്ന് പറഞ്ഞ ഒരു യുവതിയുടെ പരാമര്‍ശമടങ്ങുന്ന വിഡിയോ ഷെയര്‍ ചെയ്താണ് അദ്ദേഹത്തിനെതിരേ പരിഹാസ്യ രീതിയില്‍ കമന്റിട്ടത്. ഇയാള്‍ക്കെതിരേ എഫ്.ഐ.ആര്‍ രജിസ്റ്റര്‍ ചെയ്തതായി ലഖ്‌നൗ ഈസ്റ്റ് പൊലിസ് സൂപ്രണ്ട് സുരേഷ് ചന്ദ്ര റാവത്ത് അറിയിച്ചു.