സാങ്കേതികതയിലെ രാജാവായ ആപ്പിള്‍ ഉപഭോക്താക്കളെ ആകര്‍ഷിക്കാന്‍ വിവിധ സബ്‌സ്‌ക്രിപ്ഷന്‍ പ്ലാനുകളുമായി രംഗത്ത് വന്നിരിക്കുന്നു. ആപ്പിള്‍ വണ്ണില്‍ വരുന്ന ആറ് സേവനങ്ങള്‍ ഒറ്റ സബ്‌സ്‌ക്രിപ്ഷനിലൂടെ ലഭ്യമാക്കുന്നു. ആപ്പിള്‍ മ്യൂസിക്, ആപ്പിള്‍ ടി.വി+, ആപ്പിള്‍ ആര്‍കേഡ്, ആപ്പിള്‍ ന്യൂസ്+, ഐ ക്ലൗഡ്, ആപ്പിള്‍ ഫിറ്റിനസ് എന്നിവ അടങ്ങിയ പാക്കാണ് ഒറ്റ സബ്‌സ്‌ക്രിപ്ഷന്‍ പ്ലാനിലുള്ളത്.

ആപ്പിള്‍ വണ്‍ ഈ പ്ലാന്‍ കഴിഞ്ഞ മാസം അറിയിച്ചിരുന്നെങ്കിലും വ്യാഴാഴ്ചയാണ് ഈ പ്ലാനിന്റെ റിലീസ് തിയ്യതി സ്ഥിരീകരിച്ചത്. ഇപ്പോള്‍ ഉപഭോക്താക്കള്‍ക്ക് ഐ.ഒ.എസില്‍ നിന്ന് ആപ്പ് സ്റ്റോര്‍ വഴി ആപ്പിള്‍ വണ്‍ സബ്‌സ്‌ക്രൈബ് ചെയ്യാം.

ഇന്ത്യന്‍ ഉപഭോക്താക്കള്‍ക്ക് രണ്ട് പ്ലാനുകളാണ് ആപ്പിള്‍ അവതരിപ്പിച്ചിരിക്കുന്നത്. വ്യക്തികത പാക്കിന് 195രൂപയും അഞ്ച് ആള്‍ക്ക് പങ്കിടാവുന്ന ഫാമിലി പാക്കിന് 365 രൂപയുമാണ് ഈടാക്കുന്നത്. വ്യക്തികത പാക്കില്‍ 50 ജി.ബിയും ഫാമിലി പാക്കില്‍ 200 ജി.ബിയുമാണ് ഐ ക്ലൗഡ് സ്റ്റോറേജ്.