പരപ്പനങ്ങാടി: ഉറങ്ങിക്കിടക്കുകയായിരുന്ന ഭാര്യയെയും മക്കളെയും ഗൃഹനാഥന്‍ ഇരുമ്പുവടികൊണ്ട് അടിച്ചു മാരകമായി പരുക്കേല്‍പ്പിച്ചു. പരപ്പനങ്ങാടി കോട്ടത്തറ ഭരണിക്കോട്ടയ്ക്ക് സമീപം താമസിക്കുന്ന ഉള്ളേരി ശശീധരനാണ് ഇന്നലെ പുലര്‍ച്ചെ ആക്രമണം നടത്തിയത്.
പരുക്കേറ്റ ഭാര്യ സുനിത, മക്കളായ മോഹന്‍കുമാര്‍, അരുണ്‍, ആതിര എന്നിവരെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ശശീധരനു മാനസികാസ്വാസ്ഥ്യമുള്ളതായി പറയപ്പെടുന്നു. സംഭവത്തെ തുടര്‍ന്നു പൊലിസ് കസ്റ്റഡിയിലെടുത്ത ഇയാളെ കോഴിക്കോട് സര്‍ക്കാര്‍ മാനസികാരോഗ്യ കേന്ദ്രത്തിലേക്കു മാറ്റിയിരിക്കുകയാണ്.