കണ്ണൂര്‍: മദ്യവ്യവസായം സര്‍ക്കാറിന്റെ മുഖ്യവരുമാന സ്രോതസാക്കുന്നത് ജനങ്ങളോടുള്ള കടുത്ത ദ്രോഹമാണെന്ന് എസ്.എന്‍.ഡി.പി ഡയരക്ടര്‍ ഭാഗ്യശീലന്‍ ചാലാട്.
നഗരമധ്യത്തില്‍ ആരാധനാലയങ്ങളും വ്യാപാര സ്ഥാപനങ്ങളും വിദ്യാലയങ്ങളും പ്രവര്‍ത്തിക്കുന്ന ജനസാന്ദ്രതയുള്ള നേതാജി റോഡിലെ വിദേശ മദ്യശാല മാറ്റാന്‍ സര്‍ക്കാര്‍ തയ്യറായില്ലെങ്കില്‍ കണ്ണൂരിലെ മുഴുവന്‍ ശ്രീനാരായണ പ്രസ്ഥാനങ്ങളും ഈ സമരത്തില്‍ അണിനിരക്കുമെന്ന് അദ്ദേഹം പറഞ്ഞു. ടി.സി താഹ അധ്യക്ഷനായി. ബി.ജെ.പി വൈസ് പ്രസിഡന്റ് കെ. രാധകൃഷ്ണന്‍, രഘു, ടി. ചന്ദ്രന്‍, എം. ഷഫീഖ്, റഷീദ് കവ്വായി, പി.വി സജീവന്‍, വി. ജമാല്‍ ഹാജി, എന്‍.കെ അജയകുമാര്‍, ഡി. ശെല്‍വരാജ് സംസാരിച്ചു.