തിരുവനന്തപുരം: ശബരിമലയിലെ യുവതി പ്രവേശന വിഷയത്തില്‍ സര്‍ക്കാര്‍ സ്വീകരിച്ച നടപടികളാണ് ലോക്‌സഭാ തെരഞ്ഞെടുപ്പു തോല്‍വിക്കു പ്രധാന കാരണമായതെന്ന് സി.പി.ഐ സംസ്ഥാന കൗണ്‍സില്‍. രണ്ടു സ്ത്രീകളെ സന്നിധാനത്തേക്കു കൊണ്ടുപോയത് മുഖ്യമന്ത്രിയുടെ അറിവോടെയാണ്. ഹൈന്ദവ സമൂഹത്തില്‍ വലിയ പ്രതിഷേധമാണ് ഇതിനെതിരെ ഉയര്‍ന്നത്.
ഇതൊന്നും കാണാതെ തട്ടിപ്പ് കേസുകളില്‍ പ്രതികളായിട്ടുള്ള സമുദായ നേതാക്കളെ തലപ്പത്തു പ്രതിഷ്ഠിച്ച് സര്‍ക്കാര്‍ നവോത്ഥാന സമിതിയുണ്ടാക്കി. വനിതാമതിലും തീര്‍ത്തു. എന്നിട്ടും കനത്ത തോല്‍വി സംഭവിച്ചു. ഇനിയെങ്കിലും അനുഭവത്തില്‍ നിന്ന് പാഠം പഠിച്ചില്ലെങ്കില്‍ വലിയ തകര്‍ച്ചയിലേയ്ക്കു മുന്നണി പോകുമെന്നും സി.പി.ഐ സംസ്ഥാന കൗണ്‍സിലില്‍ നേതാക്കള്‍ പറഞ്ഞു.