കണ്ണൂര്‍: മുണ്ടേരി ജി.എച്ച്.എസ്.എസ് അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ ഭാഗമായി പൊതുവിദ്യാഭ്യാസ മഹാസംഗമവും മുദ്ര പദ്ധതി സംഘടിപ്പിക്കുന്നതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
19ന് രാവിലെ 10ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മന്ത്രി കടന്നപ്പള്ളി രാമചന്ദ്രന്‍ അധ്യക്ഷനാകും. പി.കെ ശ്രീമതി എം.പി ലോഗോ പ്രകാശനം ചെയ്യും. കെ.കെ രാഗേഷ് എം.പി മുഖ്യപ്രഭാഷണം നടത്തും. മികവിന്റെ കേന്ദ്രം പ്രഖ്യാപനം ജില്ലാ പഞ്ചായത്ത് പ്രസിഡന്റ് കെ.വി സുമേഷ് നിര്‍വഹിക്കും. ചടങ്ങില്‍ ആര്‍കിടെക്റ്റ് പത്മശ്രീ ജി ശങ്കറിനെ ആദരിക്കും.
വാര്‍ത്താസമ്മേളനത്തില്‍ മുണ്ടേരി ഗ്രാമപഞ്ചായത്ത് പ്രസിഡന്റ് എ പങ്കജാക്ഷന്‍, സ്‌കൂള്‍ പ്രിന്‍സിപ്പല്‍ ഇ രത്‌നാകരന്‍, പി.പി ശ്രീജന്‍, പി.സി അഹമ്മദ് കുട്ടി, വി ലക്ഷ്മണന്‍, എം കൃഷ്ണന്‍ പങ്കെടുത്തു.