ഭുവനേശ്വര്‍: റിയോ ഒളിംപിക്‌സില്‍ പങ്കെടുക്കുന്ന ഒഡിഷ താരങ്ങള്‍ക്ക് സംസ്ഥാന സര്‍ക്കാരിന്റെ സാമ്പത്തിക സഹായം. ആറു താരങ്ങളാണ് സംസ്ഥാനത്തു നിന്നു ഒളിംപിക്‌സില്‍ പങ്കെടുക്കുന്നത്. ഇവര്‍ക്ക് 10 ലക്ഷം രൂപ വീതം നല്‍കും. സ്‌പെഷല്‍ ഇന്‍സെന്റ്റീവായിട്ടാണ് ഈ തുക പാസാക്കുന്നത്.
ശ്രാബാനി നന്ദ, ദ്യുതി ചന്ദ്, ദീപ് ഗ്രേസ് ഇക്ക, നമിത ടോപോ, ലിലിമ മിന്‍സ്, സുനിത ലാക്ര എന്നിവരാണ് റിയോയില്‍ മത്സരിക്കുന്ന താരങ്ങള്‍. ഇവര്‍ക്ക് രാജ്യത്തിന്റെയും സംസ്ഥാനത്തിന്റെയും അഭിമാനം ഉയര്‍ത്താന്‍ സാധിക്കുമെന്നു മുഖ്യമന്ത്രി നവീന്‍ പട്‌നായിക് പറഞ്ഞു.