തൊട്ടില്‍പ്പാലം: 'നിലയുറപ്പിക്കുക നിലപാടിന്റെ വിദ്യാര്‍ഥി പക്ഷത്ത്' എന്ന പ്രമേയത്തില്‍ എം.എസ്.എഫ് കാവിലുംപാറ പഞ്ചായത്ത് കമ്മിറ്റി മൂന്നുദിവസങ്ങളിലായി പൈക്കളങ്ങാടി ഹബീബ് റഹ്മാന്‍ നഗറില്‍ നടത്തിയ പഞ്ചായത്ത് സമ്മേളനവും കലോത്സവും സമാപിച്ചു. സംസ്ഥാന പ്രസിഡന്റ് മിസ്ഹബ് കീഴരിയൂര്‍ സമാപന സമ്മേളനം ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജുബൈര്‍ ജിഫ്‌രി അധ്യക്ഷനായി. ചടങ്ങില്‍ അധ്യാപകരായ ടി.ടി മൂസ മാസ്റ്റര്‍, നവാസ് മൂന്നാംകൈ, വി.എം മൊയ്തു മാസ്റ്റര്‍, എം കുഞ്ഞബ്ദുല്ല മുന്‍ഷി, കെ. മഹ്മൂദ് മാസ്റ്റര്‍ എന്നിവരെ ആദരിച്ചു. എസ്.എസ്.എല്‍.എസി പരീക്ഷയില്‍ മുഴുവന്‍ വിഷയങ്ങളിലും എ പ്ലസ് നേടിയവര്‍ക്കുള്ള ഉപഹാര സമര്‍പ്പണം സംസ്ഥാന യൂത്ത് ലീഗ് സെക്രട്ടറി വി.വി മുഹമ്മദലി നിര്‍വഹിച്ചു.
സയ്യിദ് ഷറഫുദ്ദീന്‍ ജിഫ്‌രി, സൂപ്പി മണക്കര, കെ.പി ഷംസീര്‍ മാസ്റ്റര്‍, കെ.പി.സി മൊയ്തു, അമീര്‍ കെ.പി, ഫാസില്‍ സി, അഷ്‌റഫ് അമ്മാങ്കണ്ടി, മുഹമ്മദ്, മുനവ്വിര്‍, റംഷാദ്, സജീര്‍ മാസ്റ്റര്‍ സംസാരിച്ചു. ത്വല്‍ഹത്ത് കെ.പി സ്വാഗതവും ഇസ്മായില്‍ നന്ദിയും പറഞ്ഞു.

'