ഇറ്റാനഗര്‍: അരുണാചല്‍പ്രദേശില്‍ വ്യോമസേനാ വിമാനം തകര്‍ന്ന് മരിച്ച സൈനികരുടെ മൃതദേഹം ഇന്നലെയും കണ്ടെടുക്കാനായില്ല. എ.എന്‍-32 വിമാനത്തില്‍ സഞ്ചരിച്ച 13 വ്യോമസേനാ ഉദ്യോഗസ്ഥരും മരിച്ചതായി സ്ഥിരീകരിച്ചതിനു പിന്നാലെ ഇവരുടെ മൃതദേഹം കണ്ടെടുക്കാനുള്ള ശ്രമവും ഊര്‍ജിതമാക്കിയിരുന്നു. എന്നാല്‍ മോശം കാലാവസ്ഥ കാരണം മൃതദേഹങ്ങള്‍ കണ്ടെടുക്കാനാകുന്നില്ലെന്നാണ് അന്വേഷണസംഘം പറയുന്നത്. തകര്‍ന്ന വിമാനത്തിന്റെ ബ്ലാക്ക് ബോക്‌സ് അടക്കമുള്ളവ കണ്ടെടുത്തിട്ടുണ്ട്.