റിയാദ്: നാട്ടില്‍ പോകുന്ന ദിവസം റിയാദ് ബത്തയില്‍ വെച്ച് മരിച്ച റഷീദ് (42) ന്റെ മൃതദേഹം നാട്ടിലെത്തിച്ചു ഖബറടക്കി. ചൊവ്വാഴ്ച പുലര്‍ച്ചെ നാട്ടില്‍ പോകാന്‍ തയ്യാറെടുക്കുന്നതിനിടെയായിരുന്നു മരണം.

ഇവിടെ ബക്കാല ജോലി ചെയ്തു വരവേ സാമ്പത്തിക പ്രതിസന്ധി രൂക്ഷമായി. ഒരു വര്‍ഷത്തിലധികമായി ഇഖാമ ഇല്ലാതെ നാട്ടില്‍ പോകാന്‍ പറ്റാത്ത അവസ്ഥയില്‍ പ്രവാസി ലീഗല്‍ എയ്ഡ് സെല്‍ പ്ലീസ് ഇന്ത്യ ചെയര്‍മാന്‍ ലത്തീഫ് തെച്ചിയുമായി ബന്ധപ്പെടുകയും സ്‌പോണ്‍സറുമായി പ്ലീസ് ഇന്ത്യ പ്രവര്‍ത്തകര്‍ നിരന്തരമായി ചര്‍ച്ച നടത്തുകയും ചെയ്തു.

ഒടുവില്‍ എക്‌സിറ്റ് അടിച്ചു നാട്ടില്‍ പോകാനുള്ള തയ്യാറെടുപ്പിനിടെയായിരുന്നു മരണം.