ദോഹ: ശൂറാകൗണ്‍സില്‍ തെരഞ്ഞെടുപ്പ് ഭേദഗതി ചെയ്യാനുള്ള ഭരണഘടനാ കരടു നിര്‍ദേശത്തിന് അനുകൂലമായി വോട്ട് രേഖപ്പെടുത്തി ഖത്തര്‍. ഇന്നലെ രാവിലെ മുതല്‍ രാത്രി ഏഴ് മണി വരെ നടന്ന ഹിത പരിശോധനയില്‍ 84 ശതമാനം പേരാണ് വോട്ട് രേഖപ്പെടുത്തിയത്. വോട്ടെടുപ്പില്‍ പങ്കെടുത്ത 90.6 ശതമാനം പേര്‍ ഭരണഘടനാ ഭേദഗതിയെ പിന്തുണച്ചപ്പോള്‍, 9.2 ശതമാനം പേര്‍ എതിര്‍ത്ത് വോട്ട് ചെയ്തു. 1.8 ശതമാനം വോട്ടുകള്‍ അസാധുവായി.

ഖത്തറിലെ വിവിധ ഭാഗങ്ങളിലായി തയ്യാറാക്കിയ 28 പോളിങ് സ്റ്റേഷനുകളിലെയും മെട്രാഷ് വഴിയുള്ള ഓണ്‍ലൈന്‍ വോട്ടുകളും എണ്ണിയ ശേഷം, ഇന്ന് പുലര്‍ച്ചെയോടെയാണ് ഫലം പ്രഖ്യാപിച്ചത്. ഒക്ടോബറില്‍ ചേര്‍ന്ന ശൂറാ കൗണ്‍സില്‍ വാര്‍ഷിക സമ്മേളനത്തില്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനിയുടെ നിര്‍ദേശ പ്രകാരമാണ് ഭരണഘടനാ ഭേദഗതി തീരുമാനിച്ചത്. ശൂറാ കൗണ്‍സിലിലേക്കുള്ള വോട്ടെടുപ്പ് ഒഴിവാക്കി മുഴുവന്‍ അംഗങ്ങളെയും അമീര്‍ നേരിട്ട് നാമനിര്‍ദേശം ചെയ്യുന്നത് അനുവദിച്ചുള്ളതാണ് പുതിയ ഭേദഗതി.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Qatar's Shura Council has voted overwhelmingly in favor of constitutional amendments, paving the way for significant governance reforms in the country. This landmark decision reflects the nation's commitment to enhancing its democratic institutions and ensuring greater accountability.