റിയാദ്: അമേരിക്കന്‍ പ്രസിഡന്റ് തെരഞ്ഞെടുപ്പില്‍ വിജയിച്ച ഡൊണാള്‍ഡ് ട്രംപിനെ അഭിനന്ദിച്ച് സഊദി ഭരണാധികാരി സല്‍മാന്‍ രാജാവും കിരീടാവകാശി അമീര്‍ മുഹമ്മദ് ബിന്‍ സല്‍മാനും. പ്രസിഡന്റ് തെരഞ്ഞെടുപ്പില്‍ വിജയിച്ച ഈയവസരത്തില്‍ ഡൊണാള്‍ഡ് ട്രംപിന് ആത്മാര്‍ഥമായ അഭിനന്ദനങ്ങളും വിജയാശംസകളും നേരുന്നു. അമേരിക്കയിലെ ജനങ്ങള്‍ക്ക് കൂടുതല്‍ പുരോഗതിയും സമൃദ്ധിയും ഉണ്ടാകുന്നതിന് ആശംസിക്കുന്നുവെന്നും സല്‍മാന്‍ രാജാവ് അഭിനന്ദന സന്ദേശത്തില്‍ പറഞ്ഞു.

എല്ലാ മേഖലകളെയും ശക്തിപ്പെടുത്താനും വികസിക്കാനും ശ്രമിക്കുന്ന ഇരു രാജ്യങ്ങളും ജനങ്ങളും തമ്മില്‍ നിലനില്‍ക്കുന്ന ചരിത്രപരമായ ഉറ്റ ബന്ധത്തിന്റെ മികവിനെ സല്‍മാന്‍ രാജാവ് പ്രശംസിച്ചു. കിരീടാവകാശി അമീര്‍ മുഹമ്മദ് ബിന്‍ സല്‍മാനും ഡൊണാള്‍ഡ് ട്രംപിന് അഭിനന്ദനങ്ങള്‍ അറിയിച്ചു. അമേരിക്കയുടെ 47ാമത് പ്രസിഡന്റായി വൈറ്റ് ഹൗസിലേക്കുള്ള 'ചരിത്രപരമായ തിരിച്ചുവരവ് അടയാളപ്പെടുത്തിയിരിക്കയാണ് റിപ്പബ്ലിക്കന്‍ സ്ഥാനാര്‍ഥി ഡൊണാള്‍ഡ് ട്രംപ്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Saudi Arabia's King Salman and Crown Prince Mohammed bin Salman have expressed admiration for Donald Trump, acknowledging his accomplishments.