മുക്കം: എസ്.ഡി.പി.ഐ, ആര്‍.എസ്.എസ് തുടങ്ങിയ വര്‍ഗീയ ശക്തികള്‍ക്കെതിരേയുള്ള പോരാട്ടം ശക്തമാക്കണമെന്നും ഇത്തരം വര്‍ഗീയ ശക്തികളെ സമൂഹത്തില്‍ നിന്നു മാറ്റിനിര്‍ത്താന്‍ മുസ്‌ലിം ലീഗ് നടത്തിക്കൊണ്ടിരിക്കുന്ന പ്രവര്‍ത്തനം ആരും കണ്ടില്ലെന്നു നടിക്കരുതെന്നും മുന്‍ എം.എല്‍.എ വി.എം ഉമ്മര്‍ മാസ്റ്റര്‍ പറഞ്ഞു. മുക്കം മുനിസിപ്പല്‍ യൂത്ത് ലീഗ് കമ്മിറ്റി സംഘടിപ്പിച്ച യൂത്ത് ലീഗ് ദിനാചരണവും കര്‍ഷക മിത്ര അവാര്‍ഡ് ജേതാവ് ദാമോദരന്‍ കോഴഞ്ചേരിക്കുള്ള അവാര്‍ഡ്ദാന യോഗവും ഉദ്ഘാടനം ചെയ്യുകയായിരുന്നു അദ്ദേഹം.
പ്രസിഡന്റ് ശരീഫ് വെണ്ണക്കോട് അധ്യക്ഷനായി. നിസാം കാരശ്ശേരി അനുസ്മരണ പ്രഭാഷണം നടത്തി. ദാമോദരന്‍ കോഴഞ്ചേരി, എം.കെ യാസര്‍, ശബീറലി തെച്ച്യാട്, ശംസു മുണ്ടുപാറ, സാഹിര്‍ പി.യു, റാഫി പാലിയില്‍, മജീദ് പൂളപ്പൊയില്‍, വി.പി റഷീദ്, മുസ്തഫ എ.എം, സലിഫ് സാലിഹ് പ്രസംഗിച്ചു.