പത്തനംതിട്ട: മാഫിയകളെ സംരക്ഷിക്കുന്ന സര്‍ക്കാരാണ് കേരളം ഭരിക്കുന്നതെന്ന് യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസ്. യൂത്ത് കോണ്‍ഗ്രസ് യൂത്ത് മാര്‍ച്ചിന്റെ ഭാഗമായി പത്തനംതിട്ടയില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. നിയമസഭാ തെരഞ്ഞെടുപ്പില്‍ സഹായിച്ച മാഫിയകള്‍ക്കുവേണ്ടി വഴങ്ങിക്കൊടുക്കുന്ന സമീപനമാണ് മുഖ്യമന്ത്രി ഇപ്പോള്‍ സ്വീകരിക്കുന്നത്.
വിദ്യാഭ്യാസ, ഭൂമി, മദ്യ മാഫിയകളുടെ പങ്കുപറ്റുകയാണ് മുഖ്യമന്ത്രി. സ്വാശ്രയ മെഡിക്കല്‍ ലോബിക്ക് ഈ സര്‍ക്കാര്‍ ഒത്താശ ചെയ്യുന്നത് ഇപ്പോഴും തുടരുന്നു. മെഡിക്കല്‍ പി.ജി കോഴ്‌സുകളുടെ ഫീസ് വര്‍ധനവ് സര്‍ക്കാര്‍ പിന്‍വലിക്കാന്‍ തയാറാകണം. കഴിഞ്ഞ അധ്യയന വര്‍ഷം ഇതേ പ്രശ്‌നമുണ്ടായപ്പോള്‍ പറഞ്ഞ ഉറപ്പാണ് ഇപ്പോള്‍ ലംഘിക്കപ്പെട്ടിരിക്കുന്നത്. ഭൂമാഫിയയുടെ ലാഭവിഹിതവും കൃത്യമായി മുഖ്യമന്ത്രിക്കു ലഭിക്കുന്നുണ്ട് ഡീന്‍ പറഞ്ഞു.