വടകര: വടകര ഓർക്കാട്ടേരിയിൽ നിന്ന് പട്ടാപ്പകൽ ബൈക്ക് മോഷ്ടിച്ച യുവാവിനെ എടച്ചേരി പൊലിസ് പിടികൂടി. കുറ്റ്യാടി വടയം സ്വദേശിയായ വെള്ളാപ്പറമ്പത്ത് വിജിൻ ലാൽ (32) ആണ് അറസ്റ്റിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. 

പുറമേരി സ്വദേശി നാസർ കഴിഞ്ഞ ദിവസം ഭാര്യക്കൊപ്പം ഓർക്കാട്ടേരി ചന്ത കാണാൻ എത്തിയപ്പോഴായിരുന്നു ഇയാൾ ബൈക്ക് മോഷ്ടിച്ചത്. വെറും മുക്കാൽ മണിക്കൂറിനുള്ളിൽ, റോഡരികിൽ പാർക്ക് ചെയ്തിരുന്ന സ്പ്ലെൻഡർ ബൈക്ക്, മോഷ്ടിച്ച് വിജിൻ ലാൽ കടന്നുകളയുകയായിരുന്നു. തുടർന്ന്, പൊലിസിനെ വെട്ടിക്കാനായി മോഷ്ടിച്ച ബൈക്കിന്റെ രൂപം മാറ്റിയ വിജിൻ, ഇതേ വണ്ടിയിലാണ് കറങ്ങിയിരുന്നത്.

ALSO READ: കരുവന്നൂര്‍ ബാങ്ക് ഭരണസമിതി തെരഞ്ഞെടുപ്പില്‍ സി.പി.എമ്മിന് സമ്പൂര്‍ണജയം

പൊലിസ് ശേഖരിച്ച മോഷണത്തിന്റെ സിസിടിവി ദൃശ്യങ്ങൾ സോഷ്യൽ മീഡിയയിൽ വൈറലായതോടെ പ്രതി ഒളിവിൽ പോയി. തുടർന്ന് സൈബർ സെല്ലിന്റെ സഹായത്തോടെ മൊബൈൽ ടവർ കേന്ദ്രീകരിച്ച് നടത്തിയ അന്വേഷണത്തിലാണ് കുറ്റ്യാടിക്ക് സമീപത്ത് നിന്ന് പ്രതി പിടിയിയിലായത്. അതേസമയം, മോഷ്ടിച്ച ബൈക്ക് ഉടമസ്ഥന് തിരികെ നൽകാനുള്ള നടപടികൾ പൊലിസ് സ്വീകരിച്ചുവരികയാണ്.

A 32-year-old man, Vijin Lal, was arrested by Edachery police for stealing a bike in broad daylight from Orkatteri, Vadakara. The accused, a resident of Kuttiyadi, has been remanded in custody.