മനാമ: സമസ്ത കേന്ദ്ര മുശാവറാംഗവും മലപ്പുറം ജില്ലാ ജന.സെക്രട്ടറിയുമായ പ്രശസ്ത കര്‍മ്മശാസ്ത്ര പണ്ഡിതന്‍ പി. കുഞ്ഞാണി മുസ്‌ലിയാരുടെയും ജില്ലാ മുശാവറാംഗം ഹാജി എം.സുലൈമാന്‍ ഫൈസിയുടെയും നിര്യാണത്തില്‍ സമസ്ത ബഹ്‌റൈന്‍, എസ്.കെ.എസ്.എസ്.എഫ് , വെട്ടത്തൂര്‍ അന്‍വാറുല്‍ ഹുദ ബഹ്‌റൈന്‍ കമ്മറ്റി എന്നിവര്‍ അനുശോചനമറിയിച്ചു.
ഇരുവരുടെയും പേരില്‍ മയ്യിത്ത് നിസ്‌കാരവും പ്രത്യേക പ്രാര്‍ത്ഥനയും ഇന്ന് രാത്രി 10മണിക്ക് മനാമയിലെ സമസ്ത കേന്ദ്ര ആസ്ഥാനത്ത് നടക്കും.

വാരാന്ത്യ സ്വലാത്ത് മജ്‌ലിസിനോടനുബന്ധിച്ച് നടക്കുന്ന പ്രാര്‍ത്ഥനക്കും മയ്യിത്ത് നിസ്‌കാരത്തിനു സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങള്‍ നേതൃത്വം നല്‍കും.

ബഹ്‌റൈനിലുടനീളമുള്ള സമസ്ത ഏരിയാ കേന്ദ്രങ്ങളിലും പ്രത്യേക പ്രാര്‍ത്ഥനയും മയ്യിത്ത് നിസ്‌കാരവും സംഘടിപ്പിക്കണമെന്നും സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങള്‍ ആഹ്വാനം ചെയ്തു. ഖബറടക്കം ഇന്ന് (വ്യാഴം) ഉച്ചക്ക് 12 മണിക്ക് നാട്ടില്‍ എടയാറ്റൂര്‍ ജുമുഅ മസ്ജിദില്‍ നടക്കും.