കൊച്ചി: വര്‍ഷങ്ങളായി തീര്‍പ്പാക്കാതെ ചുവപ്പുനാടയില്‍ കുരുങ്ങിയ പല പരാതികള്‍ക്കുമാണ് പെരുമ്പാവൂര്‍ എന്‍.എസ്.എസ് കരയോഗം ഓഡിറ്റോറിയത്തില്‍ ജില്ലാകലക്ടറുടെ നേതൃത്വത്തില്‍ നടന്ന പരിഹാരം 2017ല്‍ തീര്‍പ്പായത്.
തന്റെ വീടിരിക്കുന്ന അഞ്ച് സെന്റ് സ്ഥലം പോക്കുവരവ് ചെയ്തു തരണമെന്ന അപേക്ഷയുമായാണ് പെരുമ്പാവൂര്‍ അല്ലപ്രയിലെ എ.വി അബൂബക്കര്‍ എത്തിയത്. സര്‍വെ ചെയ്ത ഉദ്യോഗസ്ഥര്‍ കൃത്യമായ റിപ്പൊര്‍ട്ട് നല്കാത്തതാണ് പോക്കുവരവു ചെയ്യുതിന് തടസമെന്ന് അപേക്ഷകന്‍ പരാതിപ്പെട്ടു. കഴിഞ്ഞ അഞ്ചു വര്‍ഷമായി ഓഫിസുകള്‍ കയറിയിറങ്ങിയിട്ടും ഫലമുണ്ടായില്ലെന്നും അബൂബക്കര്‍ പറഞ്ഞു. രണ്ടാഴ്ചയ്ക്കുള്ളില്‍ സര്‍വേ നടത്തി നടപടികളെടുക്കാന്‍ കളക്ടര്‍ നിര്‍ദേശം നല്‍കി.