തൃശൂര്‍: മണ്ണുമാന്തിയന്ത്രം കയറി മലമ്പാമ്പ് ചത്തതിനെത്തുടര്‍ന്ന് ഡ്രൈവര്‍ അറസ്റ്റില്‍. ഇതരസംസ്ഥാന തൊഴിലാളിയായ നൂര്‍ അമീനെയാണ് തൃശൂര്‍ വാണിയംപാരയില്‍ പൊലിസ് അറസ്റ്റ് ചെയ്തത്.

ദേശീയപാതയില്‍ വഴുക്കുമ്പാറ മുതല്‍ കുതിരാന്‍ തുരങ്കത്തിന്റെ പടിഞ്ഞാറുഭാഗം വരെയുള്ള ഭാഗത്തെ സര്‍വീസ് റോഡ് നിര്‍മിക്കുന്നതിനിടയിലാണ് സംഭവം. വഴിയരികില്‍ കുഴിയെടുക്കാന്‍ മണ്ണുമാന്തി യന്ത്രം ഉപയോഗിക്കുന്നതിനിടെ മലമ്പാമ്പിന്റെ ദേഹത്തുകയറുകയായിരുന്നു.

1972ലെ വന്യജീവി സംരക്ഷണ നിയമപ്രകാരം മലമ്പാമ്പിനെ അപായപ്പെടുത്തുന്നതു ഗുരുതര ശിക്ഷ ലഭിക്കുന്ന കുറ്റമാണ്.