പുല്‍വാമ: ജമ്മു കശ്മീരിലെ പുല്‍വാമയില്‍ കശ്മീര്‍ പൊലിസ്, കരസേന, സി.ആര്‍.പി.എഫ് സംയുക്ത സേനകളുടെ തിരച്ചില്‍. മൂന്ന് പൊലിസുകാരെ തട്ടിക്കൊണ്ടുപോയി കൊലപ്പെടുത്തിയതിന്റെ പശ്ചാത്തലത്തിലാണ് ഓപ്പറേഷന്‍.

ഈയിടെയായി കശ്മീരില്‍ തീവ്രവാദി ആക്രമണം കൂടിയതായും സൈന്യം പറഞ്ഞു. ഓഗസ്റ്റ് 29നും നാലു പൊലിസുകാര്‍ കൊല്ലപ്പെട്ടിരുന്നു. ഷോപ്പിയാനിലെ അര്‍ഹാമയിലുണ്ടായ വെടിവയ്പ്പിലാണ് ഇവര്‍ കൊല്ലപ്പെട്ടത്.

ഓഗസ്റ്റില്‍ തന്നെ പുല്‍വാമയിലും കുല്‍ഗാമിലുമുണ്ടായ ആക്രമണത്തില്‍ മൂന്നു പൊലിസുകാര്‍ കൊല്ലപ്പെടുകയും ചെയ്തിരുന്നു. ഇതിന്റെയെല്ലാം പശ്ചാത്തലത്തില്‍ കൂടിയാണ് പുതിയ സൈനിക ഓപ്പറേഷന്‍.