ശ്രീകണ്ഠപുരം: പഴയങ്ങാടി ബദരിയ നഗറില്‍ വീടിന്റെ മേല്‍ക്കൂര തകര്‍ന്നു. കുണ്ടട പുതിയപുരയില്‍ ഖൈറുന്നീസയുടെയും അബ്ദുല്ലയുടെയും ഓടിട്ട വീടിന്റെ മേല്‍ക്കൂരയും സീലിങ്ങുമാണ് തകര്‍ന്നുവീണത്. ബന്ധുവീട്ടില്‍ ചടങ്ങിന് പോയി വീട്ടിലേക്ക് തിരികെ കയറവെയായിരുന്നു അപകടം. ശബ്ദം കേട്ടയുടനെ വീട്ടുകാര്‍ ഓടി പുറത്തിറങ്ങി. രണ്ടു ലക്ഷം രൂപയുടെ നഷ്ടമുണ്ടായി. നഗരസഭ വൈസ് ചെയര്‍പേഴ്‌സണ്‍ നിഷിത റഹ്മാന്‍, വില്ലേജ് ഓഫിസര്‍ വിനോദ്, ലീഗ് നേതാക്കളായ പി.ടി.എ കോയ, എന്‍.പി റഷീദ്, കെ.പി.എ റഹ്മാന്‍, വി.പി മൂസാന്‍, എ.പി മര്‍സൂഖ്, കെ. സഫീര്‍ എന്നിവര്‍ സംഭവസ്ഥലം സന്ദര്‍ശിച്ചു.