കാസര്‍കോട്: വിദ്യാര്‍ഥികളെ നിയന്ത്രിക്കേണ്ടതും ശാസിക്കേണ്ടതും അധ്യാപകരാണെന്നും സ്വന്തം ഉത്തരവാദിത്തം മറന്നുവിദ്യാര്‍ഥികളെ പൊലിസിനെ കൊണ്ടുതല്ലിപ്പിക്കുന്ന അധ്യാപകര്‍ കേരള സമൂഹത്തിന് അപമാനമാണെന്നും കാസര്‍കോട് മുനിസിപ്പല്‍ എം.എസ്.എഫ് നേതൃയോഗം കുറ്റപ്പെടുത്തി.
ക്രമസമാധാനം അടക്കം പല വിഷയങ്ങളിലും പൂര്‍ണമായി പരാജയപ്പെട്ട പൊലിസ് വിദ്യാര്‍ഥികളെ അതിക്രൂരമായി  അക്രമിക്കുന്ന നടപടി നിയമവിരുദ്ധവും സംശയപരമാണെന്നും യോഗം അഭിപ്രായപ്പെട്ടു. റഫീഖ് വിദ്യാനഗര്‍ അധ്യക്ഷനായി.  ജില്ലാ ജനറല്‍ സെക്രട്ടറി സി.ഐ.എ ഹമീദ് ഉദ്ഘടനം ചെയ്തു. ഖലീല്‍ അബൂബക്കര്‍, ഹബീബ് എ.എച്ച് ഇബ്രാഹിം ഖാസിയാറകം സംസാരിച്ചു.