പുത്തനത്താണി: എസ്.കെ.എസ്.എസ്.എഫ് മലപ്പുറം വെസ്റ്റ് ജില്ലാ ത്വലബ വിങിന്റെ ആഭിമുഖ്യത്തില്‍ 17 കേന്ദ്രങ്ങളില്‍ ത്വലബ കോണ്‍ഫറന്‍സ് സംഘടിപ്പിക്കുന്നു.
ഫസ്തഖിം കമാ ഉമിര്‍ത്ത എന്ന പ്രമേയത്തില്‍ ആണ് 'മനാറ' മേഖലാ കോണ്‍ഫറന്‍സുകള്‍ നടക്കുന്നത്. ആദര്‍ശം,  പാരമ്പര്യം,  വിദ്യാര്‍ഥി വ്യക്തിത്വം എന്നീ വിഷയങ്ങളാണ് കോണ്‍ഫറന്‍സില്‍ ചര്‍ച്ചയാവുക. കോണ്‍ഫറന്‍സിന്റെ ഭാഗമായി സ്ഥാപന പര്യടനം, പ്രചരണ മത്സരങ്ങള്‍ തുടങ്ങിയവ സംഘടിപ്പിക്കും.
മേഖലാ കോണ്‍ഫറന്‍സുകളുടെ  ലോഗോ പ്രകാശനം കഴിഞ്ഞ ദിവസം പുത്തനത്താണി ഇസ്‌ലാമിക് സെന്ററില്‍  നടന്ന  ചടങ്ങില്‍ മലപ്പുറം ജില്ലാ മുശാവറ അംഗം  കോറാട് സൈദാലികുട്ടി ഫൈസി എസ്.കെ.എസ്.എസ്.എഫ്   മലപ്പുറം വെസ്റ്റ് ജില്ല വൈസ് പ്രസിഡന്റ് സയ്യിദ് അബ്ദുറഷീദ് ശിഹാബ് തങ്ങള്‍ക്ക് നല്‍കി നിര്‍വഹിച്ചു.  
സയ്യിദ് ഫഖ്‌റുദ്ദീന്‍ ഹസനി  തങ്ങള്‍ കണ്ണന്തളി, ജാബിര്‍ ഹുദവി, റഹീം മാസ്റ്റര്‍ ചുഴലി, ഷാഫി മാസ്റ്റര്‍ ആട്ടീരി, അനീസ് ഫൈസി മാവണ്ടിയൂര്‍,  ശാക്കിര്‍ ഫൈസി കാളാട്, സയ്യിദ് സിംസാറുല്‍ ഹഖ് തങ്ങള്‍, സയ്യിദ് ഷാഹിന്‍ തങ്ങള്‍, യാസിര്‍ ഇരുമ്പുചോല, അന്‍സാര്‍ കടക്കാട്ടുപാറ, മുബഷിര്‍ പൂക്കിപ്പറമ്പ്,  ഇബ്രാഹിം മലൈബാരി തുടങ്ങിയവര്‍ സംബന്ധിച്ചു.