നീലേശ്വരം: ഏഴു വര്‍ഷം മുന്‍പ് രൂപീകരിച്ച നീലേശ്വരം നഗരസഭയില്‍ പഞ്ചായത്തായിരുന്ന കാലത്തുള്ള രണ്ട് പ്യൂണുകളുടെ തസ്തികകളാണ് നിലവില്‍ ഉള്ളത്.
 നഗരസഭയായതോടെ പഞ്ചായത്തിനേക്കാള്‍ കൂടുതല്‍ ജോലിഭാരം കൂടിയതും അംഗങ്ങളുടെ എണ്ണത്തിലും വിസ്തൃതിയിലും മാറ്റം വന്നതും രണ്ടാളെക്കൂടി പ്യൂണായി നിയമിക്കണമെന്നാണ് സെക്രട്ടറി പറയുന്നത്.
 കൂടാതെ നിര്‍മാണ പ്രവര്‍ത്തനങ്ങള്‍ക്കു മേല്‍ നോട്ടം വഹിക്കേണ്ട ഓവര്‍സിയര്‍മാരടെ എണ്ണത്തില്‍ രണ്ടും, എല്‍.ഡി ക്ലര്‍ക്കിന്റെ നാലും ഒഴിവുകളാണ് ഇവിടെയുള്ളത്.
നഗരസഭയിലെ ഉദ്യോഗസ്ഥരുടെ ഒഴിവുകള്‍ ഓഫിസ് കാര്യങ്ങളെ സാരമായി ബാധിക്കുന്നുണ്ട്. ജനങ്ങള്‍ക്ക് യഥാസമയത്ത് സേവനമെത്തിക്കുന്നതിനു കാലതാമസം സംഭവിക്കുന്നതടക്കമുള്ള ബുദ്ധിമുട്ടുകള്‍ ഇത് മൂലമുണ്ട്. സര്‍ക്കാര്‍ ചട്ട പ്രകാരം രണ്ടാം ഗ്രേഡ് നിലവാരത്തില്‍ പ്രവര്‍ത്തിക്കുന്ന നഗരസഭയ്ക്ക് മൂന്നാം ഗ്രേഡ് നഗരസഭയ്ക്കുള്ള അടിസ്ഥാന സൗകര്യങ്ങള്‍ മാത്രമാണുള്ളതെന്നും സെക്രട്ടറി പറഞ്ഞു.