തളിപ്പറമ്പ് : ഈദ് ഗാഹ് ഗ്രൗണ്ടിലെ പ്രസംഗപീഠത്തിന്റെ മേല്‍ക്കൂര തകര്‍ന്ന് വീണ് രണ്ട് ബൈക്കുകള്‍ക്ക് സാരമായ കേടുപാടുകള്‍ സംഭവിച്ചു. ഇന്നലെ വൈകിട്ട് ആറ് മണിയോടെയാണ് സംഭവം.
സയ്യിദ് നഗര്‍ പള്ളിക്ക് സമീപത്തെ ഈദ് ഗാഹ് ഗ്രൗണ്ടിലെ മിമ്പര്‍ ആണ് ശക്തമായ കാറ്റില്‍ ബൈക്കുകള്‍ക്ക് മുകളിലേക്ക് തകര്‍ന്നുവീണത്.  സംഭവസമയത്ത് അവിടെയുണ്ടായിരുന്ന പുഷ്പഗിരിയിലെ സഞ്ജിദ് സയ്യിദ്(25) നെ സാരമായ പരുക്കുകളോടെ മംഗലാപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.