ന്യൂഡല്‍ഹി: ഇറ്റലി അണ്ടര്‍ 17 ടീമിനെതിരേ ചരിത്ര വിജയം സ്വന്തമാക്കിയ ഇന്ത്യയുടെ അണ്ടര്‍ 17 ഫുട്‌ബോള്‍ ടീമിന് അഭിനന്ദന പ്രവാഹം. അണ്ടര്‍ 17 ലോകകപ്പിന് മുന്നോടിയായി യൂറോപ്പില്‍ പര്യടനം നടത്തുന്ന ഇന്ത്യന്‍ സംഘം മറുപടിയില്ലാത്ത രണ്ട് ഗോളുകള്‍ക്കാണ് ഉജ്ജ്വല വിജയം സ്വന്തമാക്കിയത്. കായിക മന്ത്രി വിജയ് ഗോയല്‍, മുന്‍ ക്രിക്കറ്റ് താരം വീരേന്ദര്‍ സെവാഗ്, ഇന്ത്യന്‍ നായകന്‍ സുനില്‍ ഛേത്രി, ഇന്ത്യന്‍ താരം സന്ദേശ് ജിങ്കാന്‍, എ.ഐ.എഫ്.എഫ് തലവന്‍ പ്രഫുല്‍ പട്ടേല്‍, ഇന്ത്യന്‍ ഗോള്‍ കീപ്പര്‍ ഗുര്‍പ്രീത് സിങ്, ഇന്ത്യന്‍ സീനിയര്‍ ടീം പരിശീലകന്‍ സ്റ്റീഫന്‍ കോണ്‍സ്റ്റന്റൈന്‍, ഏഷ്യന്‍ ഫുട്‌ബോള്‍ കോണ്‍ഫെഡറേഷന്‍ തുടങ്ങിയവരെല്ലാം സമൂഹ മാധ്യമങ്ങളിലൂടെ ടീമിനെ അഭിനന്ദിച്ചു.