തിരുവനന്തപുരം: കേരളസന്ദര്‍ശനത്തിനെത്തിയ ജര്‍മ്മന്‍ വനിതയെ കാണാതായ സംഭവത്തില്‍ പൊലിസ് ഇന്റര്‍പോളിന്റെ സഹായം തേടി. കാണാതായ ലിസയുടെ അമ്മയുമായി പൊലിസ് വിഡിയോ കോണ്‍ഫറന്‍സിങ് നടത്തും. അമൃതാനന്ദമയി മഠത്തില്‍ ലിസ പോയിട്ടില്ലെന്നാണ് പ്രാഥമിക നിഗമനം. ടൂറിസം കേന്ദ്രങ്ങളിലും ഹോട്ടലുകളിലും പൊലിസ് അന്വേഷണം നടത്തി വരികയാണെന്ന് റിപ്പോര്‍ട്ട്.

രണ്ട് ദിവസം മുന്‍പാണ് ലിസ വെയ്സിനെ കാണാനില്ലെന്ന് പരാതി ലഭിച്ചത്. ലിസയുടെ അമ്മ കോണ്‍സുലേറ്റില്‍ പരാതി നല്‍കിയതിനെ തുടര്‍ന്ന് ജര്‍മ്മന്‍ കോണ്‍സുലേറ്റ് ഡി.ജി.പിയ്ക്ക് കത്തയച്ചിരുന്നു. മാര്‍ച്ച് 7ന് ലിസ വെയ്സ് തിരുവനന്തപുരം വിമാനത്താവളത്തില്‍ എത്തിയതായി അന്വേഷണത്തില്‍ കണ്ടെത്തിയിരുന്നു. ഒപ്പമുണ്ടായിരുന്ന യു.എസ് പൗരന്‍ മുഹമ്മദലി നാട്ടിലേക്ക് മടങ്ങിപോയതായും പൊലിസ് പറഞ്ഞു.