കുപ്‌വാര: ജമ്മു കശ്മീരിലെ കുപ്‌വാരയില്‍ മൂന്നു ഭീകരരെ കൂടി വധിച്ചതായി ബി.എസ്.എഫ്. കുപ്‌വാരയിലെ താങ്ക്ദാര്‍ സെക്ടറിലാണ് സംഭവം. നുഴഞ്ഞുകയറ്റമുണ്ടെന്ന വിവരത്തെത്തുടര്‍ന്ന് ഞായറാഴ്ച തുടങ്ങിയ തെരച്ചില്‍ ഓപ്പറേഷനിലാണ് ഇവരെ വധിച്ചത്.

ആക്രമണത്തിനിടെ ഒരു സുരക്ഷാ സൈനികനും കൊല്ലപ്പെട്ടിരുന്നു. മൊത്തത്തില്‍ അഞ്ചു തീവ്രവാദികളെയാണ് ഇവിടെ വധിച്ചത്. ജയ്‌ഷേ മുഹമ്മദ് ഭീകരസംഘത്തില്‍പ്പെട്ട് അദ്‌നാന്‍ എന്നയാളെ തിരിച്ചറിഞ്ഞിട്ടുണ്ട്.