തിരുവനന്തപുരം: തദ്ദേശ സ്ഥാപനങ്ങളുടെ ഫണ്ട് 20 ശതമാനം വര്‍ധിപ്പിക്കുമെന്ന് മന്ത്രി തോമസ് ഐസക്. ബില്ലുകള്‍ കൂടുതലുണ്ടെങ്കില്‍ 20 ശതമാനം വരെയുള്ള ക്യാരി ഓവര്‍ അനുവദിക്കും. തദ്ദേശസ്ഥാപനങ്ങള്‍ 2018-19 വര്‍ഷം പദ്ധതിയുടെ 85 ശതമാനവും ചെലവഴിച്ചു.
സംസ്ഥാനം കടുത്ത സാമ്പത്തിക പ്രതിസന്ധിയിലൂടെയാണ് കടന്നുപോകുന്നത്. ഈ പ്രതിസന്ധി 2013-14ല്‍ യു.ഡി.എഫ് കാലത്ത് തുടങ്ങിയതാണ്. നികുതി ചോര്‍ച്ച തടയാന്‍ കഴിയുന്നില്ല. പ്രളയാനന്തര പ്രവര്‍ത്തനങ്ങളില്‍ നട്ടംതിരിയുന്ന കേരളത്തെ പിന്നോട്ടടിക്കുന്ന നയമാണ് കേന്ദ്രസര്‍ക്കാര്‍ സ്വീകരിക്കുന്നത്. കേന്ദ്ര വിഹിതം വെട്ടിക്കുറച്ചു. ഇതിനെതിരേ കേരളം ഒന്നിച്ചുനില്‍ക്കണം. വാഹനം വാങ്ങല്‍ സര്‍ക്കാരിനെ അധിക ചെലവിലേക്ക് നയിക്കുന്നുവെന്നത് തെറ്റാണ്.
ആര്‍ക്കൊക്കെ വാഹനങ്ങള്‍ വാങ്ങാം എന്നതിന് കൃത്യമായ മാനദണ്ഡങ്ങളുണ്ട്. ആദായ നികുതി വകുപ്പിനാണ് കൂടുതല്‍ വാഹനങ്ങള്‍ അനുവദിച്ചിരിക്കുന്നതെന്നും തോമസ് ഐസക് നിയമസഭയെ അറിയിച്ചു.