ചേര്‍ത്തല: പിറന്നാള്‍ ആഘോഷം ഒഴിവാക്കി റിട്ട. പ്രൊഫസര്‍ താലൂക്ക് ആശുപത്രിക്ക് ആവശ്യമായ ബെഡ്ഷീറ്റുകള്‍ സംഭവാന ചെയ്ത് മാതൃകയായി.
കഞ്ഞിക്കുഴി പഞ്ചായത്ത് 18-ാം വാര്‍ഡില്‍ ശ്രീവത്സം വീട്ടില്‍ കെ.കെ വത്സന്‍ ആശുപത്രിക്ക് ആവശ്യമായ 270 ബഡ്ഷീറ്റുകളാണ് തന്റെ 84-ാം പിറന്നാള്‍ ദിനത്തില്‍ കുടുംബാംഗങ്ങളോടൊപ്പം എത്തി കൈമാറിയത്.
മുനിസില്‍ ചെയര്‍മാന്‍ ഐസക് മാടവന, വത്സനില്‍ നിന്ന് ബഡ്ഷീറ്റുകള്‍ ഏറ്റു വാങ്ങി.
ചടങ്ങില്‍ വത്സന്റെ ഭാര്യയും റിട്ട. പ്രൊഫസറുമായ മിനി വത്സന്‍, മകള്‍ എസ്.എന്‍ കോളജിലെ അസോ. പ്രൊഫ. നീന സുഭാഷ്, മരുമകന്‍ ഡോ. കെ.എസ് സുഭാഷ്, ആശുപത്രി സുപ്രണ്ട് ഡോ. അനില്‍ വിന്‍സെന്റ് എന്നിവര്‍ ചടങ്ങില്‍ പങ്കെടുത്തു.