ചെറുപുഴ: യുവതിയെ കുത്തി കൊലപ്പെടുത്താന്‍ ശ്രമിച്ച കേസില്‍ ഭര്‍ത്താവ് അറസ്റ്റില്‍. മാത്തില്‍ വടശ്ശേരിമണലിലെ കെ.വി ജയന്തി(42)ക്ക് കുത്തേറ്റ കേസിലാണ് ഭര്‍ത്താവ് വെള്ളോറയിലെ പുതിയവീട്ടില്‍ വേണുഗോപാല(50)നെ അറസ്റ്റ് ചെയ്തത്. പയ്യന്നൂര്‍ ഒന്നാം ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
ഞായറാഴ്ച രാവിലെ എട്ടോടെ വീടിനകത്ത് റബര്‍ ടാപ്പിങ്ങ് കത്തി കൊണ്ടാണ് യുവതിയെ കുത്തിക്കൊല്ലാന്‍ ശ്രമിച്ചത്. കഴുത്തിന് ആഴത്തില്‍ മുറിവേറ്റ യുവതി മംഗളൂരുവിലെ സ്വകാര്യാശുപത്രിയില്‍ ചികില്‍സയിലാണ്.