കൊച്ചി: സംസ്ഥാനത്തെ കൊവിഡ് വ്യാപനത്തെയും ഫലപ്രദമായ നിയന്ത്രണ മാര്‍ഗത്തെയും കുറിച്ച് നിഴല്‍ മന്ത്രിസഭ തയാറാക്കിയ പഠന റിപ്പോര്‍ട്ട് പ്രകാശനം ചെയ്തു.
എറണാകുളം പ്രസ്‌ക്ലബ് ഹാളില്‍ നടന്ന ചടങ്ങില്‍ ഐ.എം.എ മുന്‍ പ്രസിഡന്റ് ഡോ.എം.എ ജുനൈദ് റഹ്മാന്‍ റിപ്പോര്‍ട്ട് പ്രകാശനം ചെയ്തു. ആന്റി കറപ്ഷന്‍ മൂവ്‌മെന്റ് പ്രസിഡന്റ് എം.ആര്‍ രാജേന്ദ്രന്‍ നായര്‍ ഏറ്റുവാങ്ങി. നിഴല്‍ മന്ത്രിസഭ മുഖ്യമന്ത്രി സുഭദ്ര വാരിയര്‍ അധ്യക്ഷത വഹിച്ചു. ഷൈജന്‍ ജോസഫ്, അനില്‍ ജോസ്, ജോണ്‍ ജോസഫ്, വി.ബി രാജന്‍ എന്നിവര്‍ പങ്കെടുത്തു. 2020 ജനുവരി മുതല്‍ ഒക്ടോബര്‍ 31 വരെയുള്ള ഓരോ ദിവസവും കൊവിഡ് സംബന്ധിച്ച റിപ്പോര്‍ട്ടും സര്‍ക്കാരിന്റെ സ്ഥിതിവിവര കണക്കുകളും ഉത്തരവുകളും ഒന്നാം ഭാഗമായും ഈ കാലയളവില്‍ കേരളത്തിലെ രാഷ്ട്രീയ- സാമൂഹിക ജീവിതത്തില്‍ ഉണ്ടായ സംഭവങ്ങളെയും ആധാരമാക്കി രണ്ടാം ഭാഗമായുമാണ് റിപ്പോര്‍ട്ട് തയാറാക്കിയതെന്ന് സംഘാടകര്‍ പറഞ്ഞു.