മനാമ: തൊഴില്‍, താമസ വിസ നിയമങ്ങള്‍ ലംഘിച്ച കുറ്റത്തിന് കഴിഞ്ഞ ഒരാഴ്ചക്കിടെ 257 വിദേശ തൊഴിലാളികളെ നാടുകടത്തിയതായി എല്‍.എം.ആര്‍.എ അറിയിച്ചു. നവംബര്‍ മൂന്നു മുതല്‍ ഒമ്പതു വരെ 1481 തൊഴില്‍ പരിശോധനകള്‍ വിവിധ ഗവര്‍ണറേറ്റുകളിലായി നടത്തി. പരിശോധനയില്‍ താമസ വിസ, തൊഴില്‍ നിയമങ്ങളുടെ ലംഘനം എന്നി കുറ്റങ്ങള്‍ക്കായി 30 തൊഴിലാളികളെ പിടികൂടുകയും ചെയ്തു. 24 സംയുക്ത പരിശോധന കാമ്പയിനുകള്‍ കൂടാതെ, ക്യാപിറ്റല്‍ ഗവര്‍ണറേറ്റില്‍ 14 കാമ്പയിനുകള്‍ നടന്നു. മുഹറഖ് ഗവര്‍ണറേറ്റില്‍ ആറും, സതേണ്‍ ഗവര്‍ണറേറ്റില്‍ നാലും കാമ്പയിനുകള്‍ നടത്തി.

ദേശീയത, പാസ്‌പോര്‍ട്ട്, റെസിഡന്റ്‌സ് അഫയേഴ്‌സ്, ഗവര്‍ണറേറ്റിന്റെ ബന്ധപ്പെട്ട പൊലിസ് ഡയറക്ടറേറ്റ്, ജനറല്‍ ഡയറക്ടറേറ്റ് ഓഫ് ക്രൈം ഡിറ്റക്ഷന്‍, ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ്, വ്യവസായ വാണിജ്യ മന്ത്രാലയം, ബഹ്‌റൈന്‍ ടൂറിസം ആന്‍ഡ് എക്‌സിബിഷന്‍ അതോറിറ്റി, കോസ്റ്റ് ഗാര്‍ഡ് തുടങ്ങിയ സര്‍ക്കാര്‍ സ്ഥാപനങ്ങളും കാമ്പയിനില്‍ പങ്കെടുത്തു. നിയമ ലംഘനങ്ങള്‍ ആവര്‍ത്തിക്കപ്പെടാതിരിക്കാന്‍ വിവിധ തൊഴിലിടങ്ങളിലും സ്ഥാപനങ്ങളിലും പ രിശോധനകള്‍ കര്‍ശനമായി തുടരുമെന്നും എല്‍.എം.ആര്‍.എ അധികൃതര്‍ അറിയിച്ചു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Bahrain has taken strict action against foreign workers who violated visa rules, deporting 257 individuals. This move reflects the country's efforts to regulate immigration and ensure compliance with labor and residency laws.