ലീഡ്‌സ്: വിജയിക്കാമായിരുന്ന കളി വീണ്ടും കൈവിട്ടു കളഞ്ഞ് അഫ്ഗാനിസ്ഥാന്‍. വിന്‍ഡീസുയര്‍ത്തിയ 312 റണ്‍സ് വിജയ ലക്ഷ്യത്തിലേക്ക് 23 റണ്‍സ് അകലെ അഫ്ഗാന്‍ വീണു.

തുടക്കത്തിലേ ഗുലാബ് നെയ്ബിനെ നഷ്ടമായ അഫ്ഗാനെ അര്‍ധസെഞ്ചുറികളുമായി റഹ്മത്തും ഇക്രാം അലി ഖിലും നയിച്ചപ്പോള്‍ അവര്‍ ഈ ലോകകപ്പിലെ ആദ്യ വിജയമെന്നത് ഉറപ്പിച്ചിരുന്നു. രണ്ടാം വിക്കറ്റില്‍ ഇരുവരും കൂട്ടിച്ചേര്‍ത്തത് 133 റണ്‍സാണ്. എന്നാല്‍ 62 റണ്‍സുമായി റഹ്മത് ഷായും 86 റണ്‍സുമായി ഇക്രാം അലിയും വീണതോടെ അഫ്ഗാന്‍ വീണ്ടും പരാജയമുഖത്തെത്തി. നജീബുള്ള സഡ്‌റാനും (31), അസ്ഖര്‍ അഫ്ഗാനും 40 (32) പൊരുതിയെങ്കിലും അവര്‍ക്ക് വിജയം എത്തിപ്പിടിക്കാനായില്ല. വിന്‍ഡീസിനു വേണ്ടി ബ്രാത്ത്‌വെയ്റ്റ് നാലും കെമര്‍ റോച്ച് മൂന്നും വിക്കറ്റുകള്‍ നേടി.

ക്രിസ് ഗെയ്‌ലിനെ വേഗത്തില്‍ നഷ്ടമായെങ്കിലും എവിന്‍ ലൂയിസ്(58), ഷായ് ഫോപ്(77), നിക്കോളസ് പൂരാന്‍ (58) എന്നിവരുടെ അര്‍ധ സെഞ്ചുറികളുടെ മികവിലാണ് വിന്‍ഡീസ് മികച്ച സ്‌കോറിലെത്തിയത്.
സ്‌കോര്‍: വിന്‍ഡീസ് 311-6, അഫ്ഗാന്‍ 288- 10.