തൃശൂര്‍: നിക്ഷേപ സംഖ്യയും പലിശയും നല്‍കാന്‍ വീഴ്ച്ചവരുത്തിയ കമ്പനിക്കെതിരേ കേടതി വിധി.
കുന്നംകുളം സ്രാമ്പിക്കല്‍ വീട്ടില്‍ രാജി കൊച്ചു ഫയല്‍ ചെയ്ത ഹരജിയില്‍ തത്വമസി ചിറ്റ്‌സ് ആന്റ് പ്രൈവറ്റ് ലിമിറ്റഡിന്റെ നെല്ലിക്കുന്നുള്ള മാനേജര്‍ക്കെതിരേയും ചെറായിയിലുള്ള മാനേജിങ് ഡയറക്ടര്‍ക്കെതിരെയുമാണ് കോടതി വിധിയുണ്ടായത്. കമ്പനിയോട് രണ്ടു ലക്ഷം രൂപയും അതിന്റെ 12 ശതമാനം പലിശയും നല്‍കാന്‍ കോടതി വിധിച്ചു.
പരാതിക്കാരിയായ രാജി കൊച്ചു തത്വമസി ചിറ്റ്‌സ് ആന്റ് പ്രൈ. ലിമിറ്റഡ് കമ്പനിയില്‍ രണ്ട് ലക്ഷം രൂപ നിക്ഷേപിച്ചിരുന്നു.
ആദ്യ കാലഘട്ടത്തില്‍ കൃത്യമായി പലിശ ലഭിച്ചിരുന്നെങ്കിലും പിന്നീട് കമ്പനി പലിശ നല്‍കുന്നതില്‍ വീഴ്ച വരുത്തുകയായിരുന്നു.
തെളിവുകളുടെ അടിസ്ഥാനത്തില്‍ പി.കെ ശശി, എം.പി ചന്ദ്രകുമാര്‍ അടങ്ങിയ തൃശൂര്‍ ഉപഭോക്തൃ കോടതിയാണ് ഹരജിക്കാരിക്ക് അനുകൂലമായി വിധിച്ചത്.