കാണ്‍പൂര്‍: എയര്‍കണ്ടിഷന്‍ മെഷിനില്‍നിന്ന് തീപടര്‍ന്ന് ഒരു കുടുംബത്തിലെ നാലുപേര്‍ മരിച്ചു. ഇന്നലെ രാവിലെ കാണ്‍പൂരിലെ ലാല്‍ ബാംഗ്ലാ ചാകേരിയിലായിരുന്നു അപകടം. തുണിവ്യാപാരിയായ നീരജ് ജെയിന്‍, ഭാര്യ ഷിംപി ജെയിന്‍, ഇവരുടെ മാതാവ് മെമോ ദേവി ജെയിന്‍, മകന്‍ ഉജ്വല്‍ ജെയിന്‍ എന്നിവരാണ് മരിച്ചത്. നീരജ് ജെയിനിന്റെ മകള്‍ നാന്‍സി ജെയിന്‍ മാത്രമാണ് കുടുംബത്തില്‍ അവശേഷിക്കുന്നത്. ഈ കുട്ടി ബന്ധുവീട്ടിലേക്ക് പോയതായിരുന്നു. വീട്ടില്‍ നിന്ന് പുക ഉയരുന്നതുകണ്ട് അയല്‍വാസികളാണ് പൊലിസില്‍ വിവരമറിയിച്ചത്. പൊലിസും നാട്ടുകാരുടെ തീകെടുത്തിയെങ്കിലും അപ്പോഴേക്കും വീട്ടുകാര്‍ മരിച്ചിരുന്നു.