കൊയിലാണ്ടി: സി.എച്ച് മുഹമ്മദ് കോയ സാഹിബ് വിപ്ലവകരമായ സാമൂഹ്യ മാറ്റത്തിന് തുടക്കം കുറിച്ച നേതാവായിരുന്നെന്ന് യൂത്ത്‌ലീഗ് സംസ്ഥാന പ്രസിഡന്റ് മുനവ്വറലി ശിഹാബ് തങ്ങള്‍ പറഞ്ഞു.
കൊയിലാണ്ടി നിയോജക മണ്ഡലം മുസ്‌ലിം ലീഗ് കമ്മിറ്റി സംഘടിപ്പിച്ച സി.എച്ച് അനുസ്മരണ സമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. മണ്ഡലം മുസ്‌ലിം ലീഗ് പ്രസിഡന്റ് സയ്യിദ് ഹുസൈന്‍ ബാഫഖി തങ്ങള്‍ അധ്യക്ഷനായി.
ഉസ്മാന്‍ താമരത്ത് അനുസ്മരണ പ്രഭാഷണം നടത്തി. ജില്ലാ മുസ്‌ലിം ലീഗ് വൈസ് പ്രസിഡന്റുമാരായ വി.പി ഇബ്രാഹിംകുട്ടി, എസ്.പി കുഞ്ഞഹമ്മദ്, സെക്രട്ടറിമാരായ റഷീദ് വെങ്ങളം, സമദ് പൂക്കാട്, യൂത്ത് ലീഗ് ജില്ലാ വൈസ് പ്രസിഡന്റ് ഒ.കെ ഫൈസല്‍, എന്‍.പി മമ്മദ് ഹാജി, എം. അഹമ്മദ് കോയ ഹാജി, പി.പി മമ്മദ് കോയ, എ.പി റസാഖ്, നൗഫല്‍ നന്തി, എസ്.എം ബാസിത്ത്, ബി.വി സറീന, പി. റഷീദ, എസ്.എം സഹല്‍ സംസാരിച്ചു.
ജനറല്‍ സെക്രട്ടറി അലി കൊയിലാണ്ടി സ്വാഗതവും ട്രഷറര്‍ മീത്തില്‍ അബ്ദുറഹ്മാന്‍ നന്ദിയും പറഞ്ഞു.