റോം: അമേരിക്കന്‍ ടെന്നീസ് ഇതിഹാസം ആന്ദ്രെ അഗാസ്സി ലോക രണ്ടാം നമ്പര്‍ താരം നൊവാക് ദ്യോക്കോവിചിനെ പരിശീലിപ്പിക്കും. ദീര്‍ഘകാല കോച്ചായിരുന്ന മരിയന്‍ വജ്ദയുടെ പകരമാണ് അഗാസ്സി എത്തുന്നത്. ഫ്രഞ്ച് ഓപണില്‍ ദ്യോക്കോ അഗാസ്സിയുടെ തന്ത്രങ്ങളിലാകും പോരാടുക. അതേസമയം കുറച്ച് കാലത്തേക്ക് മാത്രമാണ് അഗാസ്സി പരിശീലക സ്ഥാനം ഏറ്റെടുക്കുന്നത്. 2006ല്‍ സജീവ ടെന്നീസില്‍ നിന്ന് വിരമിച്ച താരമാണ് അഗാസ്സി.