പള്ളിക്കല്‍: പ്രളയക്കെടുതിമൂലം തകര്‍ന്ന വള്ളിക്കുന്ന് മണ്ഡലത്തിലെ പൊതുമരാമത്ത് റോഡുകളുടെ പുനരുദ്ധാരണ പ്രവൃത്തികള്‍ക്കുള്‍പ്പെടെ രണ്ട് കോടിയുടെ ഭരണാനുമതി ലഭിച്ചതായി പി അബ്ദുല്‍ ഹമീദ് എം.എല്‍.എ അറിയിച്ചു.
കൊണ്ടോട്ടി-തിരൂരങ്ങാടി റോഡ്(1.50 ലക്ഷം), ചേളാരി-പരപ്പനങ്ങാടി (നാലുലക്ഷം), കടക്കാട്ടുപാറ - ഒലിപ്രംകടവ്- മുക്കത്തക്കടവ് റോഡ് (നാലു ലക്ഷം), തോട്ടശേരിയറ-ഇല്ലത്ത് മാട് റോഡ് (മൂന്നു ലക്ഷം) കടലുണ്ടി-ചെട്ട്യര്‍മാട് (മൂന്നു ലക്ഷം) ഇടിമുഴിക്കല്‍-അഗ്രശാല - പാറക്കടവ് റീച്ച് ടു റോഡ് (2.50 ലക്ഷം), അത്താണിക്കല്‍ - കോട്ടക്കടവ് പാലം റോഡ് (മൂന്നു ലക്ഷം), ഇടിമുഴിക്കല്‍-അഗ്രശാല - പാറക്കടവ് റീച്ച് വണ്‍ റോഡ് (ഒരു ലക്ഷം) തുടങ്ങിയ റോഡുകളിലെ കുഴിയടക്കലിനും തിരൂര്‍- കടലുണ്ടി റോഡ് (15 ലക്ഷം) ചേളാരി-ഒളകര റോഡ് ( 15 ലക്ഷം ) ഇടിമുഴിക്കല്‍-അഗ്രശാല-പാറക്കടവ് റീച്ച് വണ്‍ ( 40 ലക്ഷം) തിരൂരങ്ങാടി-മുട്ടിച്ചിറ റോഡില്‍ തലപ്പാറ ഡ്രൈന്‍ സ്‌ളാബ് (അഞ്ചു ലക്ഷം), പരപ്പനങ്ങാടി - പാറക്കടവ് റോഡ് (10 ലക്ഷം), ചെട്ട്യര്‍മാട്-അത്താണിക്കല്‍ ( 22.50 ലക്ഷം) എന്നിവിടങ്ങളില്‍ ഡ്രൈനേജുകള്‍ക്കും കള്‍വെര്‍ട്ട് നിര്‍മാണത്തിനുമായാണ് ഫണ്ട് അനുവദിച്ചത്.
കൂടാതെ പൊതുമരാമത്ത് ദേശീയ പാതയില്‍ ഇടിമുഴിക്കല്‍ മുതല്‍ തലപ്പാറ വരെ റോഡ് പുനരുദ്ധാരണം (50 ലക്ഷം), ദേശീയപാതയില്‍ കോഹിനൂരില്‍ വീതി കൂട്ടുന്നതിനും സിഗ്നല്‍ ബോര്‍ഡ് സ്ഥാപിക്കുന്നതിനുമായി (15 ലക്ഷം) രൂപയും അനുവദിച്ചതായി എം.എല്‍.എ പറഞ്ഞു.