കോഴിക്കോട്: ഇസ്‌ലാം മത വിശ്വാസത്തില്‍ പള്ളികള്‍ക്ക് സ്ഥാനമില്ലെന്ന സുപ്രിംകോടതി വിധി നിരാശാജനകവും ദൂരവ്യാപക പ്രത്യാഘാതം സൃഷ്ടിക്കുന്നതുമാണെന്ന് മുസ്‌ലിംലീഗ് സംസ്ഥാന ജന. സെക്രട്ടറി കെ.പി.എ മജീദ്.
ഇസ്‌ലാമില്‍ ആരാധനക്ക് പള്ളി അനിവാര്യമല്ലെന്ന ഇസ്മാഈല്‍ ഫാറൂഖി കേസിലെ വിധി പുനഃപരിശോധിക്കേണ്ടതില്ലെന്ന് സുപ്രിം കോടതി ഭൂരിപക്ഷ അഭിപ്രായത്തിലാണ് വിധിച്ചത്.മൂന്നംഗ ബെഞ്ചിലെ ഒരു ജഡ്ജി വിഷയം ഭരണഘടനാ ബെഞ്ചിന് വിടണമെന്ന് പറഞ്ഞതു മാത്രം മതി ഇസ്‌ലാമില്‍ പള്ളികള്‍ക്ക് വലിയ സ്ഥാനമുണ്ടെന്ന് വ്യക്തമാകാന്‍.
വേണ്ടത്ര ഗൗരവത്തില്‍ വിഷയത്തെ സമീപിക്കാതെയാണോ ഭൂരിപക്ഷാഭിപ്രായത്തില്‍ കോടതി വിധി പറഞ്ഞതെന്ന് സംശയമുണ്ടെന്നും കെ.പി.എ മജീദ് കൂട്ടിച്ചേര്‍ത്തു.