തിരുവനന്തപുരം: അഴിമതിക്കേസിലെ പ്രതിക്ക് സംസ്ഥാനത്തെ പൊതുമേഖലാ സ്ഥാപനത്തിന്റെ തലപ്പത്ത് നിയമനം നല്‍കി വ്യവസായ വകുപ്പ്.
കശുവണ്ടി വികസന കോര്‍പറേഷനില്‍ നിന്ന് അഴിമതി ആരോപണത്തെ തുടര്‍ന്ന് പുറത്താക്കപ്പെട്ട മുന്‍ എം. ഡി. കെ.എ രതീഷിന് കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡെവലപ്‌മെന്റിലാണ് (കെ.ഐ.ഇ.ഡി) പുതിയ നിയമനം നല്‍കിയിരിക്കുന്നത്. കശുവണ്ടി വികസന കോര്‍പറേഷന്‍ എം.ഡിയായിരുന്നപ്പോള്‍ തോട്ടണ്ടി ഇറക്കുമതിയില്‍ കോടികളുടെ അഴിമതി നടത്തിയെന്നായിരുന്നു ഇയാള്‍ക്കെതിരേ ഉയര്‍ന്ന ആരോപണം. ഈ കേസില്‍ സി.ബി.ഐ അന്വേഷണം നടക്കുന്നതിനിടെയാണ് പുതിയ ചുമതല ലഭിച്ചിരിക്കുന്നത്.