കോഴിക്കോട്: പത്രപ്രവര്‍ത്തക പെന്‍ഷന്‍ പദ്ധതിയില്‍ പുതുതായി അംഗത്വം ലഭിച്ചവരുടെ പാസ്ബുക്ക് വിതരണം കാലിക്കറ്റ് പ്രസ്‌ക്ലബില്‍ നടന്നു. വിവര പൊതുജനസമ്പര്‍ക്ക വകുപ്പ് മേഖലാ ഡെപ്യൂട്ടി ഡയറക്ടര്‍ ഇ. സജീവ് പ്രസ്‌ക്ലബ് വൈസ് പ്രസിഡന്റ് ഇ.പി മുഹമ്മദിന് പാസ്ബുക്ക് നല്‍കി വിതരണോദ്ഘാടനം നിര്‍വഹിച്ചു.
ജില്ലാ ഇന്‍ഫര്‍മേഷന്‍ ഓഫിസര്‍ കെ.ടി ശേഖര്‍, പ്രസ്‌ക്ലബ് പ്രസിഡന്റ് കമാല്‍ വരദൂര്‍, സെക്രട്ടറി എന്‍. രാജേഷ്, പെന്‍ഷന്‍ കമ്മിറ്റിയംഗം ഷിബു ടി. ജോസഫ്, കെ.യു.ഡബ്യു.ജെ സംസ്ഥാന കമ്മിറ്റിയംഗം സി.വി ഗോപാലകൃഷ്ണന്‍, പ്രസ്‌ക്ലബ് ട്രഷറര്‍ പി. വിപുല്‍നാഥ് പങ്കെടുത്തു.